„ოპოზიციას და ხელისუფლებას ნათლად უნდა ესმოდეს, რომ უკრაინაში ვიზიტი, იქნება ეს პარლამენტის თავმჯდომარის დელეგაცია თუ ნებისმიერი სხვა ფორმატი, უნდა იყოს დამყარებული ერთობაზე და მთავარ მიზნად მოინიშნოს უკრაინისადმი მხარდაჭერა! ეს საგარეო საკითხია, სადაც „ძლივს, მრავალი ზეწოლის თუ მოწოდების შემდეგ” ხელისუფლება იქცევა სწორად.
ახლა კეკლუცი ან წუწუნი, „პაპუაშვილთან ერთად კიევში არ ჩავალ”- საფუძვლით, არის მიზნის უგულვებელყოფა.
ამიტომაც, ლელო მზადაა ნებისმიერი ფორმატის მიხედვით ჩავიდეს კიევში და მხარი დაუჭიროს უკრაინას, იქნება ეს ოფიციალური სახელმწიფო თუ ოპოზიციური ფორმატები.
ასეთ სრულიად პრიმიტიულ საკითხებზე არ უნდა მიდიოდეს მთელი დღე პოლიტიკური წეწვა-გლეჯა, როცა უამრავი სხვა პრობლემა დგას და ხალხი სწორედ ამ თემებზე საუბარს ელოდება”, — აცხადებს პარტია „ლელო საქართველოსთვის” პოლიტსაბჭოს წევრი ირაკლი კუპრაძე.
