რუსეთის ვიცე-პრემიერი ალექსანდრე ნოვაკი აცხადებს, რომ რუსულ ნავთობზე უარის თქმა კატასტროფულ შედეგებს გამოიწვევს გლობალურ ბაზარზე და რომ ნავთობის ბარელზე ფასმა შეიძლება 300 აშშ დოლარს მიაღწიოს. ინფორმაციას „გარდიანი“ ავრცელებს.
ნოვაკმა ჯერ კიდევ გასულ თვეში განუცხადა გერმანიას, რომ მეორადი მილსადენის „ჩრდილოეთის ნაკადი 2-ის“ სერტიფიცირების შეჩერებას აპირდება. ამასთანავე განაცხადა, რომ რუსეთს ყველანაირი უფლება აქვს „ჩრდილოეთის ნაკადი 1“ გაზსადენის გავლით გაზის ამოტუმბვაზე ემბარგო დააწესოს.
ნოვაკის თქმით, ევროპის ბაზარზე რუსული ნავთობის შემცვლელის სწრაფად პოვნა შეუძლებელი იქნება. „ამას წლები დასჭირდება და ევროპელი მომხმარებლებისთვის მაინც გაცილებით ძვირი დაჯდება. საბოლოო ჯამში კი ისინი ყველაზე მეტად დაზარალდებიან ამ შედეგით“, — განაცხადა ნოვაკმა.
ნოვაკის მუქარას „ჩრდილოეთის ნაკადი 1-ის“ გაზსადენის შესახებ ევროკომისია გამოეხმაურა. როგორც ევროკომისიის წევრები აცხადებენ, ევროკავშირს შეუძლია რამდენიმე წელიწადში სრულად თქვას უარი რუსულ გაზზე, ხოლო რუსეთზე დამოკიდებულების შემცირებას რამდენიმე თვეშიც მოახერხებს.
როგორც ცნობილია, ევროკომისია 8 მარტს განიხილავს გეგმებს, თუ როგორ იპოვოს მოკლე დროში რუსეთის შემცვლელი.
