„სიენენის“ წამყვანი ფარიდ ზაქარია აცხადებს, რომ გერმანიის კანცლერმა ვლადიმერ პუტინს პირდაპირ უთხრა, რომ უკრაინა ნატოს წევრი არასდროს გახდებოდა.
„პუტინი თავის ბევრ მიზანს ომის გარეშეც მიაღწევდა. (უკრაინის საზღვრებთან) სამხედრო ძალების მობილიზების გამო ევროპელები უკვე შეცბუნებულები იყვნენ. ვიცი, ჩემი წყაროებისგან, რომ შოლცმა, გერმანიის კენცლერმა, (პუტინს) შეხვედრისას პირდაპირ უთხრა, რომ უკრაინა ნატოს წევრი არ გახდებოდა. დაახლოებით იგივე უთხრა მას ბორის ჯონსონმაც სატელოფონო საუბრისას. მათ პუტინს უთხრეს — „შენი მთავარი პრობლემა სანერვიულოც კი არ არის. ამას ხმამაღლა ვერ ვიტყვით, მაგრამ დე- ფაქტო უკრაინა არასდროს გახდება ნატოს წევრი“, — აცხადებს ზაქარია.
„სიენენის“ წამყვანი ასევე აღნიშნავს, რომ რუსეთის უკრაინაში შეჭრის თავდაპირველი გეგმა ჩავარდა, თუმცა ეს შესაძლოა უკრაინისთვის უარესი შედეგებით დამთავრდეს.
„ბოლოს, როცა რუსეთის არმია ასეთ წინააღმდეგობას გადააწყდა, ეს ჩეჩნეთში იყო და ამის საპასუხოდ მათ 250,000 მშვიდობიან მოქალაქე მოკლეს, გროზნო — ერთ-ერთი უძველესი დედაქალაქი — მიწასთან გაასწორეს, ქვეყანა გაანადგურეს მისი „გათავისუფლების“ მიზნით და მმართველად სამხედრო დიქტატორი დანიშნეს, რომელიც ქვეყანას სისასტიკითა და შიშის მეშვეობით მართავს. ისინი ამას უკრაინაში ვერ მიაღწევენ, თუმცა შეიძლება დაიღუპოს უამრავი ადამიანი”, — აცხადებს ზაქარია.
