მარიუპოლის დრამატული თეატრის ნანგრევებიდან, სადაც გუშინ რუსულმა თვითმფრინავებმა ბომბები ჩამოაგდეს, 130 ადამიანი გადაარჩინეს. სამაშველო სამუშაოები ახლაც გრძელდება.
ინფორმაციას უკრაინელი დეპუტატი ოლგა სტეფანიშინი „ფეისბუკის“ მეშვეობით ავრცელებს.
„მინდა გითხრათ კარგი ამბავი, რაც ჩვენ ახლა ასე ძალიან გვჭირდება. მარიუპოლის დრამატული თეატრის ქვეშ მდებარე ბომბსაწინააღმდეგო თავშესაფარი გადარჩა. დაახლოებით 130 ადამიანი უკვე ამოიყვანეს. ნანგრევების დემონტაჟი აქამდე მიმდინარეობს. ეს ნამდვილი სასწაულია”, — წერს დეპუტატი.
როგორც „უნიანი“ იტყობინება, 16 მარტს რუსულმა თვითმფრინავმა მარიუპოლის დრამატული თეატრის შენობაზე ბომბი ჩამოაგდო, სადაც ასობით მშვიდობიანი მოქალაქე თავს აფარებდა. დაბომბვის შემდეგ თავშესაფარში შესვლა ვერ ხერხდებოდა, რადგან შესასვლელი ნანგრევებით იყო სავსე. მსხვერპლის შესახებ ინფორმაცია აქამდე ვრცელდებოდა.
