დიმიტრი მედვედები აშშ-ს მიმართავს და აცხადებს, რომ მსოფლიო შეიძლება გამოუვალი ბირთვული მდგომარეობაში აღმოჩნდეს, თუ ვაშინგტონი გააგრძელებს იმას, რასაც კრემლი რუსეთის განადგურების გრძელვადიან შეთქმულებას უწოდებს.
საინფორმაციო სააგენტო „როიტერი“ წერს, რომ დიმიტრი მედვედევმა, რომელიც 2008 წლიდან 2012 წლამდე რუსეთის პრეზიდენტის თანამდებობას იკავებდა, ხოლო ახლა რუსეთის უშიშროების საბჭოს მდივნის მოადგილეა, თქვა, რომ შეერთებულმა შტატებმა შეთქმულება მოაწყო რუსეთის განადგურების მიზნით, როგორც „პრიმიტიული თამაშის” ნაწილი 1991 წლის საბჭოთა კავშირის დაცემის შემდეგ.
„ეს ნიშნავს, რომ რუსეთი უნდა იყოს დამცირებული, შეზღუდული, დამსხვრეული, დაყოფილი და განადგურებული“, — თქვა 550-სიტყვიან განცხადებაში 56 წლის მედვედევმა.
„როიტერი“ წერს, რომ მედვედევის შეხედულებები კრემლის შიგნით არსებული მოსაზრებებს წარმოაჩენს, მაშინ, როდესაც მოსკოვის ურთიერთობა დასავლეთთან 1962 წლის კუბის სარაკეტო კრიზისის შემდეგ ყველაზე დაძაბულია.
შეერთებულმა შტატებმა არაერთხელ განაცხადა, რომ არ სურს რუსეთის დაშლა და რომ მის ინტერესებს საუკეთესოდ ემსახურება აყვავებული, სტაბილური და ღია რუსეთი. სახელმწიფო დეპარტამენტს მედვედევის კომენტართან დაკავშირებით კომენტარი ჯერ არ გაუკეთებია.
რუსეთის უკრაინაში შეჭრამ ათასობით ადამიანის სიცოცხლე შეიწირა, თითქმის 10 მილიონი დევნილი გახდა და რუსეთსა და შეერთებულ შტატებს შორის, მსოფლიოს ორ უდიდეს ბირთვულ ძალას შორის, უფრო ფართო დაპირისპირების შიში გააჩინა.